न्युयोर्कभन्दा कम पुँजीले टेक्सासमा व्यवसाय शुरू हुनसक्छ

भोला आचार्य ३ सय ६५ दिन नै नदिदाउने न्यूयोर्क शहरबाट टेक्सासमा बसाईं सरेका छन् । नेपाल अमेरिका पत्रकार संघ(नेजा)को अध्यक्ष हुने वित्तीकै आचार्य टेक्सासमा बसोवास गर्न थालेका हुन् । 
केही समयअघि न्युयोर्कबाट प्रकाशित हुने मेट्रो दैनिकले धेरै न्युयोर्कबासी टेक्सास बसाईं सरेको तथ्यांक सहितको मेन न्युज बनाएको थियो । अहिले पनि नेपाली अमेरिकन मात्र नभै अरु धेरै देश र ठाउ“बाट न्यूयोर्कमा बसिरहेका टेक्सासमा बसोवास गर्न थालेका छन् । 
न्यूयोर्कबाट मात्र नभै अन्य राज्यबाट पनि टेक्सासमा बसाई सर्नेको संख्या बढ्दै गएको छ । के छ त त्यस्सो सुविधा र सहुलियत टेक्सासमा ? किन आकर्षित भएका होलान नेपाली समुदाय त्यता । यी र यस्तै प्रश्नमा केन्द्रिय रहेर आचार्यस“ग नारायण सापकोटाले गरेको कुराकानीको अंश । 

नेपाल अमेरिका पत्रकार संघ (नेजाको अध्यक्ष हुने वित्तीकै टेक्सास बसार्ई सरिहाल्नु भयो । किन होला ? 

म पहिले कोलोराडोमा वस्थे । न्युयोर्कमा लामो समय वस्ने खासै योजना थिएन । उपयुक्त ठाउको खोजीमा थिए । डीसी मेट्रो एरिया, क्यालिफोर्नीया, नर्थक्यारोलीना ठाउहरू भिजीट र अध्ययन गरिरहेको थिए । केही चीनजानले टेक्सास पुर्यायो । सन्जोक होला म अध्यक्ष वनेपछी न्युयोर्कवाट टेक्सास तिर वसाई गरेको । अध्यक्षको भूमिका जहॉ वसेपनि खासै फरक हुन्छ जस्तो मलाई लाग्दैन । सुविधाकै हिसावले अमेरिकाभरी सवै ठाउ उस्तै लाग्छ । न्युयोर्कमा तपाईजस्तै साथीहरूसग भेटघाट भैरहन्थ्यो फुर्सदमा त्यो अवसर फ़ोनमा सिमीत भएको छ । तर संस्थागत र कहिलेकॉही व्यक्तिगतरूमा भेटघाटमा म फ्लेक्जिवल नै छु ।

कहिल्यै ननिदाउने न्यूयोर्क शहरबाट टेक्सासको लवकमा सरेपछिको अनुभव कस्तो छ ? 

म अहिले टेक्सासको लवक शहरमा छु । न्युयोर्कमा जस्तो बाक्लो संख्या नभएपनि यहॉ पनि नेपालीहरू छन् । २(३ सय नेपालीहरूको संख्या छ। यहॉ पनि कम्युनिटी गतिविधिहरू देखे । न्युयोर्कमा समुदायका गतिविधि र साथीभाई वढी भएकोले वढी व्यस्त भईन्थ्यो यता त्यसको तुलनामा कम छ । परिवारसँग समय कम पाईन्थ्यो न्युयोर्कमा यता वढी समय पाएको छु यो पनि फरक सन्तुष्टिको विषय हो । तर यसले मेरो नेजा पट्टीको भुमिकालाई असर गर्दैन जुन मेरो परिवारले मलाई बुझेको छ ।

न्यूयोर्कमा भन्दा टेक्सासमा घरभाडा सस्तो भएर सर्नुभएको हो ? 

त्यसो त होईन । सामान्यतः ख़र्चको हिसावले कम छ न्युयोर्कभन्दा तर मेरो हकमा संस्थाकै काममा भ्रमण गरिरहनेकारण त्यती फरक देखिदैन । जीवन अवसरको खोजीमा हुन्छ । नेपाल छोडेर अमेरिकाको वसाईमा अरूको जस्तै मेरो पनि आर्थिक अवस्थालाई माथी उठाउनु हो जसको लागि यो ठाउमा मलाई अनुकूल छ अहिलेलाई ।
न्युयोर्कबाट नेपाली अमेरिकन मात्र नभै अरु धेरै बसोवासका लागि टेक्सास गएका छन् । किन होला ?
तपाईले भनेजस्तै न्युयोर्कभन्दा घरभाडा र व्यापारको लागी कम पुजी चाहियला तर सवैको एउटै कारण हुदैन वसाई सराईमा

न्युयोर्कस“गै क्यालिफोर्निया लगायतका राज्यबाट गर्मी बढि हुने ठाउ“ टेक्सासमा किन मान्छे गएका होलान ? 

हरेक ठाउको केही गुण केही दोषहरू छन् हरेक मान्छेमा जस्तै । मान्छेका रोजाई र अनुकुलताले वसाई सराई भएका होलान ।

शहरमा सुविधास“गै समस्या पनि हुन्छन नी त ? 

ठाउ अनुसारको बिशेषता हुन्छन् जसमा अनुकुल प्रर्तिकुल हुन्छ हरेकका लागि । गाडी चलाउन नजान्नेका लागि टेक्सासभन्दा न्युयोर्क अनुकुल हनसक्छ किनकी यातायातको राम्रो सुविधा छ न्युयोर्कमा । कसैलाई चिसो ठाउ मन नपरेर टेक्सास आउने र यी वाहेक अन्य कारणले वसाई सराई हुन्छ जस्तो लाग्छ ।

टेक्सासमा थोरै पु“जीमा विजनेश सुरु गर्न सकिने भएर पनि त्यता सरेको हुनसक्ला ? 

 तपाईले भनेजस्तै न्युयोर्कभन्दा कम पुँजीले टेक्सासमा व्यवसाय शुरू हुनसक्छ त्यससँगै व्यवसायको प्रकृतिको आधारमा अवसर ठाउ अनुसार फरक हुन्छन् । पुँजी अनुसारको आम्दानी मा पनि फरक हुन्छ । न्युयोर्क पनि टेक्सासभन्दा कम अवसर भएको ठाउ होईन ।

न्युयोर्कको क्वीन्समा बसोवास गर्दा र टेक्सासमा बस्दा के फरक पाउनुभयो ? 

न्युयोर्कमा नेपालीसमुदायको बाक्लो वस्ति भएकोले भेटघाटको बढी अवसर मिल्थ्यो र परिवारभन्दा साथीभाई र सामाजिक कृयाकलापमा व्यस्त भईन्थ्यो त्यसको तुलनामा यता उल्टो छ । न्युयोर्कमा रहनुभएका साथिभाईसँगको वाक्लो भेटघाट कम भएको छ । शुरूमा त्यो स्ट्रेस लाग्थ्यो अहिले तेही मीस गरेको महसुस हुन्छ । एउटै जीवनका फरक फरक भोगाई र नियतिहरू रहेछन यी सवै । तर अन्तमा यी सवै कुराले मेरो अहीलेको संस्थागत भूमिका र जीम्मेवारीमा कुनै फरक पर्दैन ।
म अध्यक्ष घोषित भएको महिमामै न्युयोर्कमा आफ्नै संस्थाकै कार्यक्रममा उपस्थित थिए र २ महिमाको फरकमा न्युजर्सी एनआरएनएको रिजनल कन्फरेन्सकालागी आउदैछु । आफ्नो भूमिकावाट मैले हिजोपनि संस्थालाई न्याय दिएको जस्तो लाग्छ र भविश्यमा पनि कमी गराउने छैन । न्युयोर्क वस्दैमा सवै कुरा हुने र वाहिर हुदा नहुने कुरामा म विश्वास गर्दिन । तपॉईलाई धेरै धेरै धन्यवाद् मलाई दिनुभएको यस अवसरको लागि ।

( nsapkota.blogspot.com स्रोत उल्लेख गरेर मात्रै यो लेख कुनै अनलाईन र छापा लगायतका मिडियाले प्रकाशित गर्नु हुन अनुरोध छ )