नारायण सापकोटा
काठमाडौं माघ 10 2067
युनाईटेड विकास बैंकमा शुसासन कायम नभएको जनाउँदै राष्ट्र बैंकले ३५ दिने स्पस्टिकरण सोधेको छ । बैंकका कार्यकारी अध्यक्ष रविन्द्र िसंहलाई केही दिनअघि स्पस्टिकरणको पत्र पठाईएको राष्ट्र बैंकका अधिकारीले नागरिकलाई बताए ।
यो बैंकका कार्यकारी अध्यक्षका रुपमा रविन्द्रबहादुर िसंह छन् । उनीसँगै केन्द्रीय बैंकले स्पष्टिकरण मागेको हो । व्यवस्थापन व्यवसायिक नभएकोले बैंकको वित्तीय स्वास्थ्य विगि्रएको हो । प्रारम्भीक अनुसन्धानमा संस्थापक र साचालकले बैंकको कर्जा प्रयोग गरेको अनुमान छ । संस्थापकले कर्जा लिन नपाउने व्यवस्था उलंघन गरिएको र धितो नराखी कर्जा प्रवाह गरिएको भेट्टिएको अधिकारीहरुले बताएका छन् । समग्रमा बैंकको संस्थागत सुशासन धेरै नाजुक देखिएको छु ती अधिकारीले भने ।
तीन जिल्लामा कार्यक्षेत्र भै बारामा केन्द्रीय कार्यालय रहेको यो बैंकलाई २०६३ मा राष्ट्र बैंकले समस्याग्रस्त घोषणा गरेको थियो । खराव कर्जा घटने र पुँजीको अवस्था सकारात्मक भएपछि २०६६ मा यो बैंक समस्याग्रस्तबाट मुक्त भएको थियो । ुफेरि बैंकको वित्तीय स्थिति नकारात्मक देखिएपछि स्पस्टिकरण सोधिएको होु ती अधिकारीले भने ।
फेरि समस्याग्रस्त घोषणा गर्ने कि सोझै अन्य कारवाही अगाडी बढाउने भन्ने निर्णय जवाफ आएपछि हुने उनले बताए । पटक पटक समस्यामा परेको यो बैंकका विषयमा गम्भीर निर्णय लिनुपर्ने राय राष्ट्र बैंकका अधिकारीहरुले गभर्नर युवराज खतिवडालाई िदंदै आएका छन् ।
बैंकमा नेपाली सेनाको निक्षेप करिव ७ करोड छ । सर्वसाधारणको निक्षेप करिव १ करोड ५० लाख जति छ । अरु दुई वित्तीय संस्थाको ६ करोड निक्षेप फिर्ता भएको जानकारी बैंक व्यवस्थापनले राष्ट्र बैंकलाई दिएको छ । यही यी दुई वित्तीय संस्थाको निक्षेप बराबरको रकम सेयर धितो कर्जामा गएको थियो । यो कर्जा असुली भएको व्यवस्थापनले जनाएपनि बैंकसँग नगद नभएको अधिकारीहरुले जनाएका छन् ।
सर्वसाधारणसँग करिव १ करोड ५० लाख रुपैयाँ मात्रै कर्जा रहेको राष्ट्र बैंकका अधिकारीको अनुमान छ । ुकेही कर्जा अनियमित रुपमा प्रवाह भएका छन्ु ती अधिकारीले भने ।
यो विकास बैंकले लामो अवधि सम्म सर्वसाधारणलाई सेयर बिक्री नगरेकोले निक्षेप संकलन र कर्जा प्रवाहमा राष्ट्र बैंकले रोक लगाइसकेको छ । बैंकको अवस्था खराव भएपनि सर्वसाधारणको रकम डुब्ने स्थिति नरहेको राष्ट्र बैंकका अधिकारीले बताएका छन् । संस्थागत निक्षेप संकटमा पर्ने अवस्था पनि ती अधिकारीले देखाए ।
लामो अवधि सम्म सर्वसाधारणलाई सेयर बिक्री नगर्ने युनाईटेड सहित पाँच बैंक तथा वित्तीय संस्थालाई राष्ट्र बैंकले किन खारेज नगर्ने स्पष्टिकरण सोधेको थियो । यसको चित्तबुझ्दो जवाफ बैंकले दिएको छैन ।
बोर्डमा सेयर बिक्रीका स्वीकृतिका लागि आवेदन नदिनेमा युनाईटेड डेभलपमेन्ट बैंक छ ।
गत आर्थिक वर्षमा बैंक ४ करोड ५४ लाख नोक्सानीमा थियो । गत असार सम्म बैंकसँग ८ करोड ८४ लाख निक्षेप थियो । कर्जा १३ करोड ४१ लाख छ । खराव कर्जा १ करोड ४३ लाख रहेको छ । बैंकको चुक्तापुँजी ८ करोड २ लाख रुपैयाँ छ । २०७० सम्म १० करोड चुक्तापुँजी पुर् याउनुपर्ने राष्ट्र बैकको निर्देशन पनि पालना हुने अवस्थामा नभएको अधिकारीहरुले जनाएका छन् ।
बैंकमा पटक पटक नयाँ लगानीकर्ता आएका छन् । नयाँ लगानीकर्ता आएपनि बैंकको अवस्था विगतमा एक पटक सुधार भएपनि झन विगि्रएको राष्ट्र बैंकका अधिकारीहरुको अनमान छ ।